Մայիս 12-ին Անթիլիասի Մայրավանք է այցելել և Ն.Ս.Օ.Տ.Տ. Արամ Ա. Վեհափառ Հայրապետի հետ հանդիպում է ունեցել Լիբանանում Ռուսաստանի Դաշնության դեսպան Ալեքսանդր Ռուդակովը: Պատվիրակության կազմում էր նաև Լիբանանի ու Սիրիայի ռուս համայնքի առաջնորդ հայր Ֆիլիպը։ Վերջինս Համայն Ռուսիո Պատրիարք Կիրիլի եղբայրական ողջույնները փոխանցեց Վեհափառ Հայրապետին։
Ավելի քան մեկ ժամ տևած հանդիպման ընթացքում զրուցակիցներն անդրադարձել են Հայաստանի, Ռուսաստանի ու Ադրբեջանի հարաբերություններին, ընդհանրապես Միջին Արևելքում տիրող իրավիճակին, հայկական ու ռուսական եկեղեցիների փոխհարաբերություններին, ինչպես նաև Լիբանանին առնչվող խնդիրներին:
Հետևեք մեզ տելեգրամում
