Եվրոպական երկրները նախքան Միացյալ Նահանգներին Ռուսաստանի դեմ նոր պատժամիջոցներ սահմանելու խնդրանքով դիմելը որոշել են սպասել մինչև մայիսի 15-ը՝ Ստամբուլում նախատեսված Ուկրաինայի հարցով բանակցությունները։ Այս մասին հաղորդում է Bloomberg-ը՝ հղում անելով իր աղբյուրներին։
Նրանց խոսքով՝ մայիսի 12-ին Միացյալ Նահանգները եվրոպացի պաշտոնյաներին ծանուցել է Ռուսաստանին և Ուկրաինային Անկարայում ուղիղ բանակցություններ վարելու հնարավորություն տալու մասին, որպեսզի հետագայում քննարկեն Մոսկվայի վրա ճնշման ուժեղացման հարցը։
«Եվրոպացի առաջնորդները ցանկանում են կրկին կոչ անել ԱՄՆ նախագահ Դոնալդ Թրամփին սահմանափակող միջոցներ ձեռնարկել, եթե «Պուտինը (ՌԴ նախագահ) հրաժարվի հանդիպել Զելենսկու(Ուկրաինայի նախագահ) հետ, կամ Ռուսաստանը չհամաձայնվի անհապաղ և անվերապահ հրադադարի»,-հաղորդել է գործակալությունը՝ ընդգծելով, որ ԱՄՆ վարչակազմը դեռևս վերջնական որոշում չի կայացրել հակառուսական պատժամիջոցների հարցի վերաբերյալ։
Հետևեք մեզ տելեգրամում
