Էրդողանը կհանդիպի Զելենսկուն

Թուրքիայի նախագահ Ռեջեփ Թայիփ Էրդողանը մայիսի 15-ին Անկարայում կընդունի Ուկրաինայի նախագահ Վլադիմիր Զելենսկուն: Դիմավորման պաշտոնական արարողությունից հետո կկայանա դեմ առ դեմ բանակցությունները, ապա ընդլայնված կազմով հանդիպում և աշխատանքային ճաշ։

Դրան զուգահեռ, Ստամբուլում նախատեսվում է բանակցություններ անցկացնել Ռուսաստանի և Ուկրաինայի պատվիրակությունների միջև։

Նշենք, որ Ռուսաստանի նախագահ Վլադիմիր Պուտինը մայիսի 11-ի գիշերը՝ Կրեմլում լրագրողների հետ զրույցում, Կիևի իշխանություններին առաջարկել է առանց նախապայմանների վերսկսել 2022 թվականին ընդհատված ուղիղ բանակցությունները։ Իր հերթին, Վլադիմիր Զելենսկին հայտարարեց հինգշաբթի օրը Ստամբուլ ժամանելու իր մտադրության մասին։