Իրանի հոգևոր առաջնորդի քաղաքական հարցերով խորհրդական Ալի Շամխանին ամերիկյան NBC հեռուստաալիքին տված հարցազրույցում հայտարարել է, որ Թեհրանը պատրաստ է վերացնել իր ունեցած բարձր հարստացված ուրանի պաշարները, որոնք կարելի է կիրառել զենք արտադրելու նպատակով և համաձայնել հարստացնել ուրանը միայն ցածր մակարդակով՝ քաղաքացիական նպատակների օգտագործման համար, եթե ԱՄՆ-ը անմիջապես վերացնի բոլոր պատժամիջոցները։
Նա նշել է, որ եթե ԱՄՆ-ն իր խոսքին համապատասխան վարվի, Իրանը պատրաստ է արագ համաձայնագիր ստորագրել։ Շամխանին նաև քննադատել է ԱՄՆ նախագահ Դոնալդ Թրամփին՝ ասելով, որ նա խոսում է խաղաղության մասին, բայց իրականում միայն ճնշում է։ Շամխանին շեշտել է, որ եթե ԱՄՆ-ն ազատվի Նեթանյահուի ազդեցությունից, ապա Իրանի հետ համաձայնության գալն իրական է։
Հետևեք մեզ տելեգրամում
