Վրաստանի իշխող «Վրացական երազանք» կուսակցությունը հետաքրքրված է Ռուսաստանի հետ առևտրային հարաբերություններով, բայց չի վերականգնի դիվանագիտական հարաբերությունները մինչև տարածքային ամբողջականության հարցը չլուծվի: Այս մասին հայտարարել է Վրաստանի խորհրդարանի արտաքին հարաբերությունների կոմիտեի ղեկավար Նիկոլոզ Սամխարաձեն։
«Ինչ վերաբերում է Ռուսաստանի հետ առևտրային, տնտեսական և մարդասիրական հարաբերություններին, Վրաստանի շահերից է բխում ունենալ որքան հնարավոր է շատ հնարավորություններ աշխարհի տարբեր երկրների հետ առևտուր անելու համար։ Թեև դա չի բացառում այն, որ մենք քաղաքական և դիվանագիտական հարաբերություններ չունենք Ռուսաստանի Դաշնության հետ։ Եկեք նայենք բազմաթիվ երկրների, որոնք այսօր առճակատման մեջ են Ռուսաստանի հետ։ Նրանք պահպանում են առևտրային հարաբերությունները, և ոչ ոք չի խզել դիվանագիտական հարաբերությունները Ռուսաստանի հետ»,-ասել է Սամխարաձեն։
Միաժամանակ նա նշեց, որ տարածքային ամբողջականության հարցը դիվանագիտական հարաբերությունների վերականգնման գլխավոր պայմանն է։
«Սա այն դիրքորոշումն է, որը մենք ունեցել ենք նախկինում, ունենք հիմա և կունենանք այնքան ժամանակ, քանի դեռ մեր կուսակցությունը իշխանության գլուխ է», – ասաց Սամխարաձեն։
Հետևեք մեզ տելեգրամում
