«Ազիմուտ» ավիացիոն համակարգերի մշակող և արտադրող ընկերությունը («Ռոստեխ»-ի մաս) Հայաստանին մատակարարել է ռադիոփարոս, որը կօգնի ինքնաթիռներին կողմնորոշվել լեռնային տեղանքում և եղանակային դժվարին պայմաններում։ Այս մասին հայտնել են «Ռոստեխ» պետական ընկերությունից:
Սարքավորումները տեղադրված են Սիսիան քաղաքի մոտակայքում։
«Մենք ավարտել ենք VOR/DME 2700-ի փորձարկումները Հայաստանում, որը թույլ կտա օդանավերին կողմնորոշվել լեռնային տեղանքում և եղանակային վատ պայմաններում»,-ասել է «Ազիմուտ» ընկերության գլխավոր տնօրենի տեղակալ Ալեքսեյ Գալչենկովը։
Նա նաև նշել է, որ ռադիոփարոսը ներկայումս հաջողությամբ շահագործվում է Ստավրոպոլում, Չելյաբինսկում, Կալինինգրադում, Խաբարովսկում, Նովոսիբիրսկում և Ռուսաստանի այլ քաղաքներում, ինչպես նաև արտասահմանյան օդանավակայաններում։
VOR/DME 2700 ռադիոփարոսը որոշում է ինքնաթիռի գտնվելու վայրը։ Այն գործում է շատ բարձր հաճախականության դիապազոնում՝ 30-ից մինչև 300 մեգահերց տիրույթում և կարող է միաժամանակ տեղափոխել մինչև 200 ինքնաթիռ։
Հետևեք մեզ տելեգրամում
