Ռուսաստանից Աբխազիա թռիչքների աշխարհագրությունը ընդլայնվում է։ Ներկայումս աշխատանքներ են տարվում նոր ուղղությունների վրա, որոնց նկատմամբ հետաքրքրություն են ցուցաբերում Ռուսաստանի Դաշնության ավիափոխադրողները։ Այս մասին Կովկասյան ներդրումային ֆորումի շրջանակներում ՏԱՍՍ-ին տված հարցազրույցում հայտարարել է Աբխազիայի Հանրապետության նախագահ Բադրա Գունբան։
Մայիսի 1-ին 32 տարի դադարից հետո վերսկսվեցին Աբխազիայի և Ռուսաստանի միջև կանոնավոր ավիահաղորդակցությունը: UVT Aero ավիաընկերության 50 տեղանոց Bombardier CRJ-200 ինքնաթիռը՝ 49 ուղևորով, վայրէջք կատարեց Սուխումում:
«Ռուսաստանի Դաշնության և Աբխազիայի Հանրապետության միջև օդային երթևեկությունը մեզ համար առաջնահերթություն է։ Չվերթների աշխարհագրությունը ընդլայնվում է։ Կան մի քանի ավիաընկերություններ, որոնք ակտիվ հետաքրքրություն են ցուցաբերում։ Այսօր մեզ մոտ ինքնաթիռներ են գալիս Մոսկվայից, Նիժնի Նովգորոդից և Ռուսաստանի մի շարք այլ քաղաքներից։ Վստահ եմ, որ մինչև տարեվերջ աշխարհագրությունը կընդլայնվի»,-ասել է Գունբան։
Աբխազիայի նախագահը նշել է, որ ներկայում Սուխումի օդանավակայանը արդիականացման կարիք չունի, նույնիսկ եթե Աբխազիա չվերթներ սկսել ցանկացող ավիաընկերությունների թիվը մեծանա, ինչպես նաև ընդլայնվի չվերթների աշխարհագրությունը։
Հետևեք մեզ տելեգրամում
