Իրանի կամ Իսրայելի տարածքից հայ քաղաքացիների տարհանման անհրաժեշտության վերաբերյալ այս պահին որևէ ահազանգ չկա։ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանն այս մասին նշել է լրագրողների հետ ճեպազրույցի ընթացքում՝ ընդգծելով, որ Հայաստանի իշխանությունները նման ծրագիր կիրագործեն այն դեպքում, երբ դրա անհրաժեշտությունը իրականում ծագի։
«Նման տեղեկատվություն այս պահին չկա։ Եթե նման խնդիր առաջանա, ապա մենք արդեն ունենք համապատասխան փորձ՝ մեր հայրենակիցներին աջակցելու պատերազմի գոտիներից դուրս բերելու և նրանց խնդիրները լուծելու ուղղությամբ։ Այս պահին, կրկնում եմ, նման ահազանգ չկա», – ասել է Խանդանյանը։
Նա հավելել է, որ նման իրավիճակի դեպքում պետության համապատասխան կառույցները պատրաստ կլինեն անհրաժեշտ քայլեր ձեռնարկելու։
Հետևեք մեզ տելեգրամում
