Middle East Eye-ը հայտնում է, որ Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը ծրագրում են հանդիպել Դուբայում հուլիսի ընթացքում՝ շարունակելով խաղաղության համաձայնագրի շուրջ բանակցությունները:
Հղում անելով իր աղբյուրներին՝ կայքը գրում է. «Պլանավորված հանդիպումը Դուբայում դրական նշան է՝ ցույց տալու, որ երկու կողմերը պատրաստ են շարունակել երկխոսությունը: Թուրքիան ակտիվորեն խրախուսում է Բաքվին ստորագրել խաղաղության համաձայնագիրը, քանի որ Անկարայի սեփական հարաբերությունների կարգավորման գործընթացը Հայաստանի հետ կապված է այս հնարավոր համաձայնագրի հետ: Թուրքական պաշտոնյաները Հայաստանը դիտարկում են որպես կարևոր երկիր «Միջին միջանցքի» համար, որը կկապի Թուրքիան Կենտրոնական Ասիայի հետ: Հարկ է նշել, որ Փաշինյանն անցյալ ամիս պաշտոնական այցով եղել է Թուրքիայում՝ դառնալով առաջին հայ առաջնորդը, ով պաշտոնական այց է կատարել այդ երկիր: Միաժամանակ, ԱՄԷ-ն ակտիվ ձգտում է իր տարածքում հյուրընկալել բանակցությունները՝ որպես Կովկասյան երկու երկրների միջև հարաբերությունների բարելավման ջանքերի մաս»:
Middle East Eye. Փաշինյանն ու Ալիևը այս ամիս կհանդիպեն Դուբայում
Հետևեք մեզ տելեգրամումՎերջին լուրեր
