Եվրոպական Միության խորհուրդն այսօր որոշեց երկարաձգել երկու հատուկ ներկայացուցիչների մանդատները։ Նրանց թվում է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն։
Նրա մանդատը երկարաձգվել է մինչև 2027 թվականի օգոստոսի 31-ը։
«ԵՄ հատուկ ներկայացուցիչները նշանակվում են Միության արտաքին գործերի և անվտանգության քաղաքականության գերագույն ներկայացուցչի կողմից և հաստատվում են Խորհրդի կողմից։ Նրանց նպատակն է խթանել ԵՄ քաղաքականությունն ու շահերը որոշակի տարածաշրջաններում և երկրներում, ինչպես նաև ԵՄ-ի համար կարևոր հարցերում։ Նրանք ակտիվ դեր են խաղում բարեփոխումների, կայունության և օրենքի գերակայության ամրապնդման ջանքերում», – ասվում է Եվրոպական Միության Խորհրդի մամուլի հաղորդագրության մեջ։
Հետևեք մեզ տելեգրամում
