«Զանգեզուրի միջանցքի» հարցը Հայաստանի և Ադրբեջանի ինքնիշխան հարց է, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Սա Հայաստանի և Ադրբեջանի ինքնիշխան հարց է։ Մենք ամեն կերպ աջակցում ենք Ադրբեջանի և Հայաստանի միջև բանակցություններին։ Մենք ցանկանում ենք, որ և՛ Բաքուն, և՛ Երևանը որքան հնարավոր է շուտ ստորագրեն համաձայնագիրը», – լրագրողներին ասել է Պեսկովը:
Ավելի վաղ Թուրքիայում ԱՄՆ դեսպան, Սիրիայի հարցերով ԱՄՆ հատուկ ներկայացուցիչ Թոմաս Բարաքը հայտարարել էր, որ ԱՄՆ-ն պատրաստ է կառավարել Իրանի սահմանի մոտ գտնվող Զանգեզուրի «տրանսպորտային միջանցքը»՝ փորձելով առաջ մղել Բաքվի և Երևանի միջև բանակցությունները: ՀՀ վարչապետի մամուլի քարտուղար Նազելի Բաղդասարյանը հայտարարել էր, որ Հայաստանը չի քննարկում իր տարածքի նկատմամբ վերահսկողությունը երրորդ կողմին փոխանցելու հնարավորությունը, որն Ադրբեջանը կապում է Նախիջևանի ինքնավարության հետ:
Հետևեք մեզ տելեգրամում
