Ադրբեջանական գազի մատակարարումները Սիրիա նախատեսվում է սկսել օգոստոսի 1-ին։ Գազը Սիրիա կմատակարարվի Թուրքիայի միջոցով Քիլիս խողովակաշարով։
Թուրքիայի տարածքում գազատարը Քիլիսից մինչև սիրիական սահման է երկարացվել։ Սիրիական կողմից գազատարի տեխնիկական միացումներն ավարտվել են։ Նախատեսված բնական գազի մատակարարման մեկնարկից առաջ BOTAŞ-ը՝ SOCAR-ի հետ համատեղ,անցկացնում է վերջնական փորձարկումներ և ստուգումներ:
Առաջին փուլում մատակարարումների ծավալը կկազմի տարեկան 1,2 միլիարդ խորանարդ մետր գազ, որը կօգտագործվի Հալեպի և Հոմսի էլեկտրակայաններում էլեկտրաէներգիա արտադրելու համար։
Գազի մատակարարման բոլոր նախապատրաստական աշխատանքներն ավարտվել են SOCAR-ի և Սիրիայի միջև անցյալ շաբաթ փոխըմբռնման հուշագրի ստորագրմամբ։
Բացի այդ, BOTAŞ-ի և SOCAR-ի միջև համագործակցության շրջանակներում նախատեսվում են նավթի և գազի երկրաբանական հետախուզական աշխատանքներ, ինչպես նաև նավթաքիմիական նախագծերի իրականացում Սիրիայի հյուսիսարևելյան շրջաններում։
Հետևեք մեզ տելեգրամում
