Ռուսաստանի ուղիղ ներդրումների հիմնադրամի ղեկավար և Ռուսաստանի նախագահի արտասահմանյան երկրների հետ տնտեսական համագործակցության հարցերով հատուկ ներկայացուցիչ Կիրիլ Դմիտրիևը Վնուկովո օդանավակայանում դիմավորել է ԱՄՆ նախագահի հատուկ դեսպանորդ Սթիվեն Վիտկոֆին:
Վիտկոֆը վերջին անգամ բանակցությունների համար Մոսկվա է ժամանել ապրիլի 25-ին, իսկ դրանից առաջ՝ ապրիլի 11-ին, Սանկտ Պետերբուրգ։ Երկու անգամ էլ նա հանդիպումներ է ունեցել Ռուսաստանի նախագահ Վլադիմիր Պուտինի հետ։ Սա Վիտկոֆի հինգերորդ այցն է Ռուսաստան տարեսկզբից ի վեր։
Ավելի վաղ ԱՄՆ նախագահ Դոնալդ Թրամփը հայտարարել էր, որ կարող է պատժամիջոցներ կիրառել Ռուսաստանի նկատմամբ օգոստոսի 9-ին, եթե մինչ այդ պահը չհաջողվի հասնել ուկրաինական ճգնաժամի կարգավորմանը։ Միևնույն ժամանակ, նա նշել է, որ Ռուսաստանը լավ է գործում պատժամիջոցների պարագայում։ Հարցին, թե արդյոք Ռուսաստանը կարող է խուսափել ԱՄՆ ներկայիս վարչակազմի պատժամիջոցներից, Թրամփը պատասխանել է, որ դրա համար «պետք է կնքվի մի գործարք, որը կկանխի մարդկանց մահը»։
Հետևեք մեզ տելեգրամում
