Հայաստանի վարչապետ Նիկոլ Փաշինյանի և ԱՄՆ նախագահ Դոնալդ Թրամփի հանդիպման արդյունքներով Հայաստանն ու Միացյալ Նահանգները փոխըմբռնման հուշագրեր են ստորագրել երեք ուղղություններով գործընկերության մասին։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջքւմ գրել է ՀՀ վարչապետի մամուլի խոսնակ Նազելի Բաղդասարյանը։
«Նպատակ ունենալով խորացնելու ռազմավարական համագործակցությունը երեք առանցքային ոլորտներում՝ Հայաստանի եւ Միացյալ Նահանգների Կառավարությունները ստորագրել են հետևյալ փոխըմբռնման հուշագրերը․
- «Խաղաղության խաչմերուկ» նախագծի կարողությունների զարգացման ոլորտում գործընկերության մասին,
- Արհեստական բանականության և կիսահաղորդիչների ոլորտում նորարարական գործընկերության մասին,
- Էներգետիկ անվտանգության ոլորտում գործընկերության մասին»,- գրել է Բաղդասարյանը։
Հետևեք մեզ տելեգրամում
