Հայաստաի վարչապետ Նիկոլ Փաշինյանը Սպիտակ տանն ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ հանդիպումից հետո գրառում է արել «Ֆեյսբուք»-ի իր էջում։
«Ապագան այսօր է: Փառք նահատակներին եւ կեցցե՛ Հայաստանի Հանրապետությունը»,- «Արմենպրես»-ի փոխանցմամբ՝ գրել է Փաշինյանը։
Սպիտակ տանը կայացած եռակողմ հանդիպման արդյունքներով Հայաստանի վարչապետը, ԱՄՆ-ի և Ադրբեջանի նախագահները ստորագրեցին համատեղ հռչակագիր Թրամփի ուղու մասին։
Ստորագրման արարողությունից առաջ հայտարարվեց, որ ԱՄՆ նախագահը հռչակագիրը կստորագրի որպես վկա, իսկ ՀՀ վարչապետն ու Ադրբեջանի նախագահը, ստորագրելով փաստաթուղթը, կհաստատեն իրենց ուղին դեպի խաղաղություն, բարեկեցություն և կայունություն։
Հետևեք մեզ տելեգրամում
