Թուրքիայի նախագահ Ռեջեփ Թայիփ Էրդողանը օգոստոսի 11-ին կառավարության նիստից հետո ներկայացրել է քննարկված հարցերը։ Նա անդրադարձել է նաև Վաշինգտոնում ստորագրված փաստաթղթին:
«Շաբաթ օրը Ադրբեջանի նախագահ Ի․ Ալիևի հետ հեռախոսազրույց ենք ունեցել։ Օգոստոսի 8-ին Վաշինգտոնում ձեռք բերված համաձայնությունը պատմական քայլ էր Հրվ․ Կովկասում մնայուն խաղաղության ճանապարհին։ Ադրբեջանի դեմ սահմանափակումների վերացումն էլ ուրախալի է։ Այս ամենի վերաբերյալ մեր գոհունակությունը հայտնել եմ Իլհամ եղբորս։ Շեշտել եմ, որ Թուրքիան միշտ իրենց կողքին է լինելու։
Այսօր նույն թեման քննարկել ենք ՀՀ վարչապետ պարոն Նիկոլ Փաշինյանի հետ։ Խաղաղության մթնոլորտի հաստատմամբ մեր տարածաշրջանում ցամաքային և երկաթուղային ուղիների վերածնունդը, սահմանների բացումը և առևտրի ազատ հոսքի հնարավոր դառնալը տարածաշրջանի բոլոր երկրների շահերին է ծառայելու»,-նշել է։
Հետևեք մեզ տելեգրամում
