Մերձավոր Արևելքում ԱՄՆ հատուկ ներկայացուցիչ Թոմ Բարաքը Լիբանանի ղեկավարության հետ կքննարկի Իսրայելի հետ հակամարտության կարգավորման ուղին, որը նախատեսում է շիական «Հեզբոլլահ» շարժման զինաթափում:
Ամերիկացի դիվանագետն օգոստոսի 18-ին բանակցություններ կվարի Լիբանանի նախագահ Ջոզեֆ Աունի, խորհրդարանի խոսնակ Նաբիհ Բըրրիի և վարչապետ Նավաֆ Սալամի հետ:
Asharq al-Awsat թերթի տվյալներով, Լիբանանի կառավարությունը, որը օգոստոսի 5-ին հաստատել էր «Հեզբոլլահ»-ի զենքը Լիբանանի բանակին մինչև 2025 թվականի վերջը փոխանցելու ծրագիրը, ակնկալում է, որ դեսպանը զինաթափման դիմաց Իսրայելից զիջում կստանա Լիբանանի հինգ օկուպացված տարածքներից զորքերի դուրսբերման տեսքով։
Al Hadath կայքին տված հարցազրույցում Լիբանանի նախագահ Աունը նշել է, որ Բարաքի ճանապարհային քարտեզը լրացնում է Իսրայելի հետ 2024 թվականի նոյեմբերի 27-ին կնքված հրադադարի համաձայնագիրը։ Միևնույն ժամանակ, նա ընդգծել է, որ Լիբանանը չի մտադրվում երկխոսություն սկսել հրեական պետության հետ՝ հարաբերությունները կարգավորելու համար և հանձնառու է «տարածաշրջանում արդար խաղաղության հասնելու համաարաբական ջանքերին»։
Հետևեք մեզ տելեգրամում
