Սիրիայի նախագահ Ահմեդ ալ-Շարաան հույս է հայտնել, որ իր երկիրը կարող է խուսափել ԱՄՆ-ի աջակցությունը ստացող քրդական ուժերի հետ զինված հակամարտությունից, եթե ձախողվեն նրանց ինքնավար վարչակազմը երկրի պետական համակարգի մեջ ներառելու ջանքերը։
Ելույթ ունենալով Իդլիբում, որտեղ նա հավաքել էր հավատարիմ ուժերին, Շարաան ասել է, որ քուրդ առաջնորդները պատրաստակամություն են հայտնել առաջ շարժվել մարտ ամսին ձեռք բերված կարևորագույն համաձայնագրով՝ իրենց կողմից կառավարվող քրդաբնակ տարածքները պետական իշխանության ներքո բերելու համար, սակայն ցամաքում գործողությունները հակառակն են ցույց տալիս։
«Երբեմն ցամաքում լինում են ազդանշաններ, որոնք հակառակ են բանակցություններում ասվածին»,-ասել է Շարաան՝ միաժամանակ նշելով, որ Թուրքիան և ԱՄՆ-ը, որոնք Սիրիայի նավթով հարուստ հյուսիսարևելքը պետությանը միացնելու գործարքին աջակցող հիմնական տերություններն են, ցանկանում են խնդիրը լուծել խաղաղ ճանապարհով։
«Այս կողմերը ձգտում են խաղաղ լուծման։ Հուսով եմ՝ մենք չենք մտնի վեճի մեջ։ Հուսով եմ՝ մի քանի ամսից մենք կլուծենք այն»,-հավելել է Սիրիայի նախագահը։
Հետևեք մեզ տելեգրամում
