Թուրքիայի արտգործնախարար Հ․ Ֆիդանը TGRT Haber-ի հաղորդումներից մեկի եթերում անդրադարձել է Ադրբեջան-Հայաստան գործընթացներին։
Ընդգծելով, որ Հայաստանի և Ադրբեջանի ձեռք բերած մի շարք պայմանավորվածությունների,ինչպես նաև Ադրբեջանի և ԱՄՆ-ի միջև ստորագրված երկու համաձայնագրերի շնորհիվ տարածաշրջանային խաղաղության առումով շատ լավ պատկեր է ձևավորվել՝ Ֆիդանն ասել է․
«Իրադարձության առաջին իսկ օրից, երբ ամերիկացիները եկել և սկսել են խոսել մեր ադրբեջանցի եղբայրների հետ, այդ հարցը մեր հետ խորհրդակցությամբ է ընթացել։ Այսինքն յուրաքանչյուր փուլում տեղեկացում է եղել, խորհրդակցություն է եղել։ Այդ մասին մեր նախագահին ենք տեղեկացրել, հետո Իլհամ Ալիևն էլ և՛ սկզբում, և՛ հետո այս հարցում տեղեկություն է հաղորդել։ Ադրբեջանի և մեր միջև խորհրդակցության, համակարգման մեխանիզմը շատ լավ է»։
Այնուհետև Ֆիդանն անդրադարձել է «Զանգեզուրի միջանցքի» հարցին, նշելով, դրա հետ կապված առայժմ հստակեցված ձևաչափով, կանոնավորված որևէ կոնկրետ բան չկա. այն ընդունվել է որպես հայեցակարգ, արտացոլվել է փաստաթղթում, սակայն, թե ով է շահագործելու, ինչպես է շահագործելու, ինչ է լինելու, այդ հարցերում կոնկրետ բան չկա, և դա կողմերը քննարկելու են իրենց միջև։
Ֆիդանն ասել է, որ սկզբունքորեն կարող է նշել, որ ընթացող բանակցություններում նախագահի կողմից որդեգրված դիրքորոշումը մշտապես այն է, որ իրենք վստահում են իրենց ադրբեջանցի եղբայրներին։
Հետևեք մեզ տելեգրամում
