Մոսկվան Անկարային առաջարկում է ապահովել նախկինում մատակարարված S-400 ՀՕՊ համակարգերի համապարփակ տեխսպասարկում: Այդ մասին ասել է Ռուսաստանի Դաշնության ռազմատեխնիկական համագործակցության դաշնային ծառայության տնօրեն Դմիտրի Շուգաևը։
«Մենք Թուրքիայի հետ երկար պատմություն ունենք S-400-ների հարցում, դրանք պետք է սպասարկվեն, մենք առաջարկում ենք առկա համակարգերի համապարփակ սպասարկում՝ հաշվի առնելով, որ որոշակի ժամանակ է անցել, դրանք պետք է պահպանեն իրենց մարտական վիճակը», – ասել է Շուգաևը։
Նա հավելել է, որ Ռուսաստանը պատրաստ է Անկարայի հետ քննարկել ռազմատեխնիկական համագործակցության ոլորտում տարբեր թեմաներ, ըստ նրա՝ «որևէ սահմանափակում չկա»։
Հիշեցնենք, Ռուսաստանն ու Թուրքիան 2017թ. կնքել են Ս-400-ների մատակարարման 2,5 մլրդ դոլարի գործարք, որը զգալիորեն վատթարացրել է Թուրքիայի հարաբերություններն ԱՄՆ-ի հետ:
Հետևեք մեզ տելեգրամում
