Թեհրանը դեմ է արտահայտվելու ՄԱԿ-ի Անվտանգության խորհրդում Իրանի դեմ զենքի էմբարգոյի երկարաձգման մասին հայտարարությանը: Այս մասին հայտնել է Իրանի արտգործնախարարության խոսնակ Աբբաս Մուսավին:
«Եթե այդ հայտարարությունը լինի, Իրանը պատասխանելու է այս քայլին պատշաճ և վճռական կերպով», – ասել է Ֆարս Մուսավին։
Ռուսաստանի փոխարտգործնախարար Սերգեյ Ռյաբկովն ավելի վաղ հայտնել էր, որ Իրանին զենք և ռազմական տեխնիկա մատակարարելու գործող հատուկ ռեժիմը պետք է վերանա հնգամյա ժամկետից հետո, և այդ որոշումից որևէ շեղում չի կարող լինել:
Միևնույն ժամանակ, ԱՄՆ պետքարտուղար Մայք Պոմպեոն նշել է, որ ԱՄՆ-ն ամեն ինչ անելու է Իրանի դեմ սպառազինության էմբարգոն երկարաձգելու ուղղությամբ, որպեսզի Թեհրանը չկարողանա Ռուսաստանից կամ Չինաստանից զենք ձեռք բերել:
Հետևեք մեզ տելեգրամում
