Աշխարհահռչակ ֆուտբոլիստ Կրիշտիանու Ռոնալդուն արդեն Հայաստանում է։ Sputnik Արմենիայի կադրերում երևում է` ինչպես են երկրպագուները «Զվարթնոց» օդանավակայանում դիմավորում Պորտուգալիայի հավաքականին։
Երկրպագուները դեռ ժամեր առաջ էին հավաքվել Պորտուգալիայի հավաքականի ավագ և հարձակվող Ռոնալդուին տեսնելու և դիմավորելու համար։
Հարյուրավոր երկրպագուների շարքերում շատ էին պատանիները, որոնք եկել էին լեգենդար ֆուտբոլիստի մարզաշապիկով և րոպեներ շարունակ առանց դադարի «Ռոնալդու» էին վանկարկում։
Աշխարհի առաջնության ընտրական փուլի շրջանակում Հայաստան–Պորտուգալիա հանդիպումը կկայանա սեպտեմբերի 6-ին Երևանում: Խաղը կսպասարկի անգլիական մրցավարական խումբը։
Հիշեցնենք` Պորտուգալիայի հավաքականը Հայաստան էր եկել նաև 2015 թվականին։ Եվրո-2016-ի ընտրական փուլի խաղում Պորտուգալիայի հավաքականը 3։2 հաշվով հաղթել էր Հայաստանի ազգային թիմին: Հաշիվը բացել էր Հայաստանի ազգային հավաքականի կիսապաշտպան Մարկոս Պիզելին, հետո 30-ամյա Ռոնալդուն հեթ-տրիկ էր գրանցել, իսկ հանդիպման վերջնամասում հաշիվը կրճատել էր պաշտպան Հրայր Մկոյանը: Պորտուգալացիները 10 տարի առաջ կայացած խաղի վերջնամասն անցկացրել էին 10 ֆուտբոլիստով:
Հետևեք մեզ տելեգրամում
