Պորտուգալիայի ֆուտբոլի ազգային թիմի կենտրոնական պաշտպան Ռուբեն Դիաշը Հայաստան–Պորտուգալիա խաղից առաջ մամուլի ասուլիս է տվել։
Անդրադառնալով Հայաստանի ազգային հավաքականին՝ նա նշել է.
«Մենք մի քանի հնարավորություն ենք ունեցել ուսումնասիրել Հայաստանի ֆուտբոլի ազգային թիմին։ Հայաստանի թիմը կարող է վտանգավոր մրցակից լինել։ Նրանք ունեն որակապես լավ ֆուտբոլիստներ»։
Հիշեցնենք, որ սույն թվականի սեպտեմբերի 6-ին Հայաստանը սեփական հարկի տակ՝ Վազգեն Սարգսյանի անվան «Հանրապետական» մարզադաշտում, կընդունի Պորտուգալիայի հավաքականին։ Հանդիպման մեկնարկը՝ ժամը 20:00-ին։








