«ՀԱՄԱՍ»-ի առաջնորդները Դոհայի հարձակումից փրկվել են թուրքական հետախուզության շնորհիվ․ Türkiye

Թուրքայի հետախուզությունը Կատարում պաղեստինյան «ՀԱՄԱՍ» շարժման պատվիրակությանը նախապես զգուշացրել էր Իսրայելի հնարավոր հարձակման մասին։ Դրա շնորհիվ բանակցային խումբը փրկվել է։ Այս մասին հաղորդում է թուրքական «Türkiye» թերթը։

Թուրքիայի Ազգային հետախուզական կազմակերպության աշխատակիցների հատուկ խումբը ամբողջ օրվա ընթացքում հետևել է իսրայելական ինքնաթիռների տեղաշարժերին։ Ռազմաօդային ուժերը, ինչպես նշում է հրատարակությունը, նախ հարվածել են Թունիսի մոտ գտնվող և Գազա ուղևորվող մարդասիրական նավատորմին, ապա հարվածել են Սիրիայում, Լաթաքիայում և Տարտուսում գտնվող թիրախներին, ինչպես նաև Լիբանանում գտնվող օբյեկտներին։ Դրանից հետո «նպատակակետը դարձել են Կատարում «ՀԱՄԱՍ»-ի ներկայացուցիչները»։

Թուրքական հետախուզությունը «ՀԱՄԱՍ»-ի բանակցային պատվիրակությանը տեղեկացրել էր վտանգի մասին, և Դոհայում պաղեստինցի ներկայացուցիչների համար անվտանգության միջոցառումները խստացվել էին։ Թերթը գրում է, որ դա կանխել է պատվիրակության բարձրաստիճան ղեկավարների մեծ մասի մահը։