Իսրայելի կողմից Թուրքիայի վրա հնարավոր ռազմական հարձակումը կասկածի տակ կդնի ՆԱՏՕ-ի կոլեկտիվ պաշտպանության մեխանիզմի արդյունավետությունը: Այդ մասին հայտնել է է թուրք վերլուծաբան և պրոֆեսոր Էնես Բայրաքլին:
Բայրաքլիի խոսքով՝ Իսրայելն ունի լայն գործիքակազմ՝ Թուրքիայի վրա ճնշում գործադրելու համար՝ ուղիղ ռազմական բախումից առաջ, սակայն ուղիղ հարվածի սցենարը չի կարելի լիովին բացառել։ Նման ագրեսիայի դեպքում Անկարան ստիպված կլինի պատասխանել ինչպես ռազմական, այնպես էլ դիվանագիտական միջոցներով։
Բայրաքլին նշել է, որ հնարավար հարձակման դեպքում ակնկալվում է դաշինքի կողմից կոլեկտիվ արձագանք: Սակայն, նրա կարծիքով, չի կարելի բացառել ՆԱՏՕ-ի անգործության հնարավորությունը։
«Եթե Իսրայելը որոշի ուղիղ հարձակում սկսել, և ՆԱՏՕ-ն չպատասխանի, ապա այդ կառույցը լիովին կվարկաբեկվի», – ընդգծեց փորձագետը։
Վերլուծաբանը հիշեցրեց, որ նույնիսկ ԱՄՆ նախագահ Դոնալդ Թրամփի վարչակազմի օրոք ԱՄՆ-ի կողմից անվտանգության երաշխիքների հնարավոր սահմանափակումների մասին ազդանշաններ կային և կոչեր էին արվում եվրոպացի դաշնակիցներին ավելի շատ հույսը դնել սեփական ուժերի վրա։
«Հետևաբար, Թուրքիան չպետք է պաշտպանական ռազմավարություն կառուցի միայն այն ենթադրության վրա, որ 5-րդ հոդվածը կգործարկվի: Պետք է պատրաստ լինել ամենավատ սցենարին, ներառյալ պաշտպանական պլանավորման վերանայումը, ռազմական արդյունաբերության մեջ ներդրումների արագացումը, մասնավորապես՝ հակաօդային պաշտպանության համակարգերի զարգացման գործում, ինչպես նաև ազգային ռեսուրսների համախմբումը», – ընդգծել է Բայրաքլին։
Հետևեք մեզ տելեգրամում
