Վրաստանի ԱԳ նախարար Մակա Բոճորիշվիլին հարցազրույցի ժամանակ, խոսելով հարևանների հետ Վրաստանի հարաբերությունների մասին, նշել է, որ դրանք առաջնային է ու պատրաստ են ամեն ինչ անելու, որ դրանք շարունակվեն, ընդլայնվեն:
«Աշխարհում անվտանգության մասին խոսելիս, առաջին հերթին պետք է մտածենք հարևանների հետ հարաբերությունների մասին։ Հարևանների հետ հարաբերությունները մեզ համար առաջնային են։ Վրաստանը ռազմավարական գործընկերություն ունի Ադրբեջանի, Հայաստանի և Թուրքիայի հետ։ Մեզ համար շատ կարևոր են հարաբերությունները բոլոր երեք երկրների հետ։ Հիշե՛ք, որ արտաքին գործերի նախարարության նախաձեռնությամբ Թբիլիսին ընդունեց առաջին հանդիպումը Հայաստանի և Ադրբեջանի արտաքին գործերի նախարարությունների միջև, ինչը շատ հաջողված առաջին փորձ էր։ Հավատում եմ, որ այս ձևաչափում, և ոչ միայն այս ձևաչափում, մեր հարաբերությունները կշարունակվեն, կընդլայնվեն, և մենք պատրաստ ենք դրա համար»,-ասել է վրաց նախարարը:
Վրաստանի արտաքին գերատեսչության ղեկավարը նաև կարևորել է Թուրքիայի հետ հարաբերությունները՝ շեշտելով, որ այն տարածաշրջանի կարևոր խաղացող է և կարևոր գործընկեր: Նա նշել է, որ Վրաստանը Ադրբեջանի ու Թուրքիայի հետ բազմաթիվ օգտակար նախագծեր է իրականացրել, ինչը ցույց է տալիս, որ երկրները կարող են բարեկամական հարաբերություններով օգուտ բերել ոչ միայն իրենց, այլև ամբողջ տարածաշրջանին։
«Մենք ունենք ուժ՝ բարեկամական հարաբերություններով օգտակար նախագծեր իրականացնել մեր երկրների և ամբողջ տարածաշրջանի համար։ Սա վերաբերում է նաև Կենտրոնական Ասիային և Եվրոպայի երկրներին, որոնց համար կարևոր է տարածաշրջանի անվտանգությունը։ Վրաստանի իշխանությունները ակտիվորեն ամրապնդում են կապերը և՛ հարևանների, և՛ լայն տարածաշրջանի երկրների հետ։ Շուտով Թբիլիսին կհյուրընկալի հերթական միջազգային կոնֆերանսը, որտեղ կխոսենք Վրաստանի դերի և միջազգային համագործակցության մասին»,-հավելել է Մակա Բոճորիշվիլին։
Հետևեք մեզ տելեգրամում
