Իրանական ISNA-ն հրապարակել է նյութ Իրանի և ՄԱԳԱՏԷ-ի միջև նոր համաձայնագրի և դրա շուրջ Իրանի խորհրդարանի դժգոհության մասին, որում նշվում է, թե ինչու է Իրանը համաձայնվել նոր համաձայնագիր ստորագրելուն:
«Կահիրեում Իրանի և Ատոմային էներգիայի միջազգային գործակալության միջև կնքված նոր համաձայնագիրը ընդունվել է Իրանի ազգային անվտանգության բարձրագույն խորհրդի հաստատմամբ՝ նպատակ ունենալով կառավարել 12-օրյա պատերազմի հետևանքները, կանխել միջազգային ճգնաժամերի խորացումը և վերականգնել վստահությունը։ Այն նախատեսում է տեխնիկական և վերահսկողական համագործակցության վերսկսում հավասարակշռված հիմունքներով։ Համաձայնագրի նպատակը ոչ թե Իրանի զիջումն է, այլ թյուրիմացությունների վերացումը և վստահության ամրապնդումը։ Սակայն որոշ պատգամավորներ համաձայնագրին արձագանքել են քննադատությամբ՝ մեղադրելով կառավարությանը և ԱԳՆ-ին խորհրդարանի որոշումները խախտելու մեջ։ Սա տեղի է ունեցել այն դեպքում, երբ խորհրդարանը պաշտոնապես դեռևս չէր ստացել համաձայնագրի մանրամասները։ Հետագայում անցկացվել է արտահերթ նիստ՝ ԱԳ նախարարի և պատգամավորների մասնակցությամբ, որտեղ ըստ նախարարի՝ քննարկումները եղել են կառուցողական։ Ազգային անվտանգության բարձրագույն խորհուրդը պաշտոնապես հաստատել է համաձայնագիրը՝ ընդգծելով, որ այն համապատասխանում է Իրանի շահերին»։
Հետևեք մեզ տելեգրամում
