ՀՀ Ազգային ժողովի նախագահի տեղակալ, հայ-թուրքական հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը Երևանում ընթացող ՆԱՏՕ-ի խորհրդարանական վեհաժողովի 108-րդ Ռոուզ-Ռոթ սեմինարում հայտնել է, որ Թուրքիայի հետ հարաբերությունների կարգավորումը շարունակում է մնալ ՀՀ արտաքին քաղաքականության առաջնահերթություններից մեկը։
«Հույս ունենք՝ Թուրքիան կպատասխանի մեր պատրաստակամությանը, որքան հնարավոր է շուտ հաստատել դիվանագիտական հարաբերություններ և ունենալ բաց սահմաններ։ Մենք դրան պատրաստ ենք հենց այսօր»,-ասել է Ռուբինյանը։
ԱԺ փոխնախագահն անդրադարձել է նաև հայ-ադրբեջանական խաղաղության համաձայնագրին՝ կրկին հույս հայտնելով, որ դա կվավերացվի հնարավորինս սեղմ ժամկետներում։
Հետևեք մեզ տելեգրամում
