Թուրքիայում ԱՄՆ դեսպան, Սիրիայի հարցերով ԱՄՆ հատուկ ներկայացուցիչ Թոմ Բարաքը հայտնել է, որ Կատարի իշխանությունները պաղեստինյան «ՀԱՄԱՍ» շարժման ղեկավարությանը, ինչպես նաև աֆղանական թալիբների անդամներին ընդունել են ԱՄՆ վարչակազմի խնդրանքով։
«Կատարը Միացյալ Նահանգների խնդրանքով հյուրընկալել է «ՀԱՄԱՍ»-ին և Թալիբանին»,-հաստատել է Բարաքը։
Մեկնաբանելով Գազայի հատվածի շուրջ ստեղծված իրավիճակը՝ ԱՄՆ հատուկ ներկայացուցիչը համոզված է, որ ԱՄՆ նախագահ Դոնալդ Թրամփը Գազայի հատվածի համար ծրագիր ունի, և որ ներկայիս իրավիճակին պետք է վերջ դրվի։ Միևնույն ժամանակ, Բարաքը կարծում է, որ ««ՀԱՄԱՍ»-ի և Իսրայելի միջև ժամանակավոր զինադադարը չի հաջողվի»։
Հիշեցնենք, որ սեպտեմբերի 9-ին Իսրայելը Դոհայում հարվածեց «ՀԱՄԱՍ»-ի ղեկավարության անդամներին։ Պաղեստինյան շարժումը հայտնեց վեց մարդու մահվան մասին։
Հետևեք մեզ տելեգրամում
