ԱՄՆ-ի և Իսրայելի կառավարությունները շատ մոտ են նախագահ Դոնալդ Թրամփի` Գազայի խաղաղության ծրագրի շուրջ համաձայնության հասնելուն, սակայն պաղեստինյան «ՀԱՄԱՍ» շարժումը դեռևս համաձայնության չի եկել։
«ԱՄՆ բարձրաստիճան պաշտոնյան հայտարարել է, որ Իսրայելի վարչապետ Բենյամին Նեթանյահուի հետ ԱՄՆ նախագահի դեսպանորդ Սթիվեն Վիտկոֆի և ԱՄՆ առաջնորդի փեսա Ջարեդ Քուշների բանակցություններից հետո ԱՄՆ-ն և Իսրայելը շատ մոտ են Գազայում պատերազմը դադարեցնելու Թրամփի ծրագրի շուրջ համաձայնության հասնելուն։ Պաշտոնյան հավելել է, որ դեռևս անհրաժեշտ է «ՀԱՄԱՍ»-ի համաձայնությունը»,-X-ում գրել է Axios-ի լրագրող Բարաք Ռավիդը։
Թրամփը սեպտեմբերի 28-ին Reuters-ին տված հարցազրույցում նշել էր, որ «ակնկալում է, որ Գազայի խաղաղության համաձայնագրի մանրամասները կհամաձայնեցվեն Նեթանյահուի հետ Սպիտակ տանը սեպտեմբերի 29-ին կայանալիք հանդիպման ժամանակ»։
Թրամփը վստահեցրել է, որ «բոլորը ցանկանում են համաձայնության գալ»։ Նա հայտնել է, որ Իսրայելից և արաբական պետություններից «շատ լավ արձագանք» է ստացել հնարավոր համաձայնագրերի վերաբերյալ։
Հետևեք մեզ տելեգրամում
