Ռումինիայի արտաքին գործերի նախարար Տոյու Օանան X սոցիալական ցանցում անդրադարձել է ՄԱԿ-ի Գլխավոր ասամբլեայի շրջանակներում Հայաստանի արտաքին գործերի նախարար Արարատ Միրզոյանի հետ հանդիպմանը՝ նշելով, որ Ռումինիան շարունակում է վճռականորեն հանձնառու մնալ Հայաստանի կայունությանը, դիմադրողականությանը և ժողովրդավարական զարգացմանն աջակցելու հարցում՝ ինչպես երկկողմ, այնպես էլ բազմակողմ շրջանակներում։
«Ես իմ առաջին պաշտոնական հանդիպումն ունեցա ՀՀ ԱԳ նախարար Արարատ Միրզոյանի հետ ՄԱԿ ԳԱ-ի 80-ի շրջանակներում։ Ռումինիան շարունակում է վճռականորեն հանձնառու մնալ Հայաստանի կայունությանը, դիմադրողականությանը և ժողովրդավարական զարգացմանն աջակցելու հարցում՝ ինչպես երկկողմ, այնպես էլ բազմակողմ շրջանակներում։ Մենք վճռականորեն պաշտպանում ենք տարածաշրջանային խաղաղությունը, երկխոսությունը և Հայաստանի ու Ադրբեջանի միջև հարաբերությունների համապարփակ կարգավորումը: Ես անհամբեր սպասում եմ Ռումինիայի և Հայաստանի միջև ամուր, պրագմատիկ գործընկերության կառուցմանը՝ ի շահ մեր երկու երկրների և ամբողջ Հարավային Կովկասի տարածաշրջանի: Հաստատակամորեն աջակցում ենք Հայաստանի և ԵՄ-ի միջև հարաբերությունների շարունակական զարգացմանը՝ տարածաշրջանային կայունության, խաղաղության և բարգավաճման շահերից ելնելով»,-գրել է Օանան։
Հետևեք մեզ տելեգրամում
