Թուրքիայի արտգործնախարար Հաքան Ֆիդանը Ադրբեջանի Գաբալա քաղաքում հանդիպել է ադրբեջանցի գործընկերոջ՝ Ջեյհուն Բայրամովի հետ: Հանդիպումը կայացել է «Թյուրքական պետությունների կազմակերպության» (ԹՊԿ-TDT) 12-րդ գագաթնաժողովի շրջանակներում:
Նախքան գագաթնաժողովի մեկնարկը մասնակիցները գումարել են ԹՊԿ արտգործնախարարների խորհրդի նիստ, ինչի շրջանակներում էլ Ֆիդանը հանդիպել է նաև Ղրղզստանի արտգործնախարար Ժեենբեկ Կուլուբաևի հետ:
Նիստից հետո Թուրքիայի արտգործնախարարը, պատասխանելով լրագրողների հարցերին, շեշտել է, որ Թուրքիայի արտաքին քաղաքականություն հիմնական նպատակը խաղաղությունն է, ապա կայունություն հաստատելու համար մեջբերել 3 հիմնական պայման.
«1. Պատերազմներն ու բախումները հանդարտեցնել, կամ ավարտել, այսինքն՝ նվազեցնել տարածաշրջանում առկա լարվածությունը:
2. Հավասարապես զարգացնել տնտեսական համագործակցությունը, այսինքն՝ ապահովել, որպեսզի բարգավաճումից արդարացիորեն կարողանան օգտվել բոլորը:
3. Ինստիտուցիոնալացնել հարաբերություններն ու տարածաշրջանային կառույցները, այսինքն՝ հարաբերությունները դարձնել կայուն»:
Նշենք, որ Ֆիդանն Ադրբեջան էր մեկնել հոկտեմբերի 6-ին, իսկ հոկտեմբերի 7-ի առավոտյան Գաբալա էր մեկնել նաև Թուրքիայի նախագահ Ռեջեփ Թայիփ Էրդողանը՝ մասնակցելու վերոհիշյալ գագաթնաժողովին: Օրակարգում տարածաշրջանային խաղաղության հարցերն են։
Ermenihaber.am
Հետևեք մեզ տելեգրամում
