Թուրքիայի արտաքին քաղաքական գերատեսչության ղեկավար Հաքան Ֆիդանը մասնակցել է «Թյուրքական պետությունների կազմակերպության» (ԹՊԿ-TDT) գագաթնաժողովին։ Արտգործնախարարների մակարդակով տեղի ունեցած հանդիպմանը Ֆիդանն անդրադարձել է սույն թվականի օգոստոսի 8-ի վաշինգտոնյան համաձայնագրին։
Ֆիդանը նշել է, որ Հարավային Կովկասում մնայուն խաղաղության հասնելու ուղղությամբ զգալի առաջընթաց է գրանցվել և կրկին նշել է, որ իրենք ողջունում են օգոստոսի 8-ին Վաշինգտոնում Ադրբեջանի և Հայաստանի կողմից ստորագրված համատեղ հայտարարությունը։
Նա նշել է նաև, որ տարածաշրջանում նոր տրանսպորտային կապուղիների և հաղորդակցական ուղիների բացման հարցում ձեռք բերված թափը կնպաստի պատմական «Մետաքսի ճանապարհի» վերակենդանացմանը։
Հետևեք մեզ տելեգրամում
