Նեթանյահուն հարբուխի պատճառով դատարանում խնդրել է կրճատել ցուցմունք տալու ժամանակը

Երուսաղեմի շրջանային դատարանում Իսրայելի վարչապետ Բենյամին Նեթանյահուի խաչաձև հարցաքննությունը կրճատվել է, քանի որ քաղաքական գործիչը բողոքել է մրսածությունից և առողջական խնդիրներից։

«Ես իսկապես լավ չեմ զգում»,-հազալով ասել է վարչապետը՝ նշելով, որ իր բժիշկը խորհուրդ է տվել մի քանի օր հանգստանալ։

«Ի վերջո, սա պարզապես ինձ հավասարակշռությունից հանում է»,-բողոքել է Նեթանյահուն՝ հավելելով, որ չորեքշաբթի երեկոյան նախատեսված է «քաղաքական միջոցառում», որին պարտավոր էր մասնակցել։

Բենյամին Նեթանյահուի դեմ քրեական հետաքննությունը սկսվել է 2016 թվականի դեկտեմբերին։ 2019 թվականի նոյեմբերին նրան պաշտոնապես մեղադրանք է առաջադրվել կաշառակերության, խարդախության և վստահության չարաշահման համար։ Իսրայելի ներկայիս վարչապետի դեմ հարուցվել է երեք գործ՝ «1000-րդ գործը», «2000-րդ գործը» և «4000-րդ գործը»։

2024 թվականի դեկտեմբերի 10-ին քաղաքական գործիչը դատարան է ներկայացել որպես մեղադրյալ և սկսել է ցուցմունք տալ։