Ջեյհուն Բայրամովը ԵԱՀԿ գործող նախագահի հետ քննարկել է Հայաստանի ու Ադրբեջանի միջև խաղաղության գործընթացը

Ադրբեջանի արտգործնախարար Ջեյհուն Բայրամովը հանդիպել է Ֆինլանդիայի արտաքին գործերի նախարար և ԵԱՀԿ գործող նախագահ Էլինա Վալտոնենի հետ։ Կողմերը քննարկել են Ադրբեջանի և Ֆինլանդիայի միջև երկկողմ հարաբերությունները, Ադրբեջանի և ԵԱՀԿ-ի համագործակցության ներկա վիճակը և ապագա հեռանկարները; Բացի այդ անդրադարձել են հետհակամարտական ​​շրջանում տարածաշրջանում ստեղծված իրավիճակին, Բաքվի ու Երևանի միջև խաղաղության գործընթացին։

Ջեյհուն Բայրամովը նշել է Ադրբեջանի, ԱՄՆ-ի և Հայաստանի առաջնորդների Վաշինգտոնում 2025 թվականի օգոստոսի 8-ին կայացած «պատմական» հանդիպման և ստորագրված համատեղ հռչակագրի կարևորությունը։ Բայրամովը կրկին անդրադարձել է Հայաստանի Սահմանդրության մեջ կատարվելիք փոփոխություններին։

Շեշտվել է «Թրամփի միջազգային ճանապարհ՝ հանուն խաղաղության և բարգավաճման» (TRIPP) նախագծի կարևորությունը՝ տարածաշրջանում տրանսպորտային և տնտեսական կապերի վերականգնման տեսանկյունից։ Անդրադարձ է կատարվել նաև ԵԱՀԿ Մինսկի գործունեության դադարեցմանը։