Թալանել են Լուվրի թանգարանը

Փարիզում թալանվել է Լուվրի թանգարանը։ Այդմասին հայտնել է Ֆրանսիայի մշակույթի նախարար Ռաշիդա Դատին։Նախարարի խոսքով՝ միջադեպը տեղի է ունեցել հոկտեմբերի 19-ի վաղ առավոտյան, թանգարանի բացվելուց առաջ։

Թանգարանի տնօրինությունը հայտնել է, որ հոկտեմբերի 19-ին Լուվրը փակ կլինի այցելուների համար։ Ֆրանսիական լրատվամիջոցները հայտնում են, որ գողերը հափշտակել են Նապոլեոն I կայսեր կնոջ՝ կայսրուհի Ժոզեֆինի հավաքածուից 9 զարդ, մի քանի ոսկյա իրեր՝ վզնոց, կրծքազարդ, գլխազարդ։ Նշվում է, որ 2 զարդ, այդ թվում՝ կայսրուհի Եվգենյայի ( Eugénie de Montijo) թագը, որը վնասվել էր և թողնվել դեպքի վայրում, հայտնաբերվել և վերադարձվել է թանգարան։

Հանցագործները հինգն են եղել և ներս են մտել Սենա գետի կողմից, բարձրացել են բեռնատար վերելակով, կոտրել ապակիներն ու ներս մտել հավաքածուի սրահ: Նրանց հաջողվել է թաքնվել։