Բաքվի սլավոնական համալսարանում հայերեն կդասավանդվի

Բաքվի սլավոնական համալսարանի գիտական խորհուրդը որոշել է հայերենը ներառել բուհում ուսումնասիրվող լեզուների շարքում։ Այս մասին հայտնել է համալսարանի մամուլի քարտուղար Սաբինա Հուսեյնզադեն: Փոխանցում են ադրբեջանական ԶԼՄ-ները:

Նրա խոսքով՝ հայերենի դասավանդումը նախատեսվում է սկսել առաջիկա տարիներին, սակայն հստակ ժամկետ դեռ չի նշվում։

Ավելի վաղ համալսարանի ռեկտոր Անար Նագիևը հայտարարել էր, որ հայերենի դասավանդումը նախատեսվում է սկսել 2026-2027 ուսումնական տարվանից։