Հայաստանի ֆուտբոլի ազգային հավաքականի ավագ և Միլանի «Ինտեր»-ի կիսապաշտպան Հենրիխ Մխիթարյանը մրցաշրջանի ավարտից հետո կհեռանա ներկայիս ակումբից: Այդ մասին գրում է իտալական «Calciomercato»-ը: Բացի Մխիթարյանից, ակումբից կհեռանան նաև Մատեո Դարմիանը, Ստեֆան դե Վրեյն ու Ֆրանչեսկո Աչերբին: Իտալիայի փոխչեմպիոնը նրանց նոր պայմանագրեր չի առաջարկի։
«Ինտեր»-ի սեփականատերերը ցանկանում են կրճատել աշխատավարձի բյուջեն։ Մխիթարյանի, Դարմիանի, Դե Վրեյի և Աչերբիի պայմանագրերի ժամկետը լրանում է 2026 թվականի հուլիսի 1-ին: Ավելի վաղ Մխիթարյանը հայտնել էր, որ դեռևս որոշում չի կայացրել իր ապագայի վերաբերյալ:
Հետևեք մեզ տելեգրամում
