«Սպուտնիկ Ադրբեջան»-ի գործադիր տնօրեն Իգոր Կարտավիխը, որը նախկինում ձերբակալվել էր Բաքվում, ազատ է արձակվել և ինքնաթիռով տեղափոխվել է Ռուսաստան: Այս մասին հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան։
«Կարտավիխն ազատ է արձակվել և ինքնաթիռով տեղափոխվել է Ռուսաստան»,-լրագրողներին ասել է Զախարովան։
«Կոմերսանտի» տվյալներով՝ բանակցությունները ընթացել են նախագահների օգնականների մակարդակով։
Կարտավիխը և «Սպուտնիկ Ադրբեջան»-ի գլխավոր խմբագիր Եվգենի Բելոուսովը ձերբակալվել և Բաքվում կալանքի տակ են հայտնվել հունիսի վերջին։ Ձերբակալությունները տեղի էին ունեցել ՌԴ-ում ադրբեջանցիների զանգվածային ձերբակալությունների և ռուսական անվտանգության ուժերի կողմից իրականացված գործողությունների ֆոնին, որոնց ընթացքում մարդիկ էին զոհվել։Հոկտեմբերի 10-ին հայտնի դարձավ, որ Կարտավիխը տնային կալանքի տակ է։
Հետևեք մեզ տելեգրամում
