Ադրբեջանի նախագահ Իլհամ Ալիևը Ղազախստանի նախագահ Կասիմ-Ժոմարտ Տոկաևի հետ մամուլի ասուլիսի ժամանակ հայտարարել է, որ TRIPP նախագիծը անպայման կիրականացվի:
«Ինչպես գիտեք, օգոստոսին Վաշինգտոնում կայացած գագաթնաժողովի նվաճումներից մեկը TRIPP (Trump Route for International Peace and Prosperity) նախագիծն էր։ Նախագահ Թրամփը (ԱՄՆ նախագահ Դոնալդ Թրամփ, խմբ.) իր անունն է տվել այս նախագծին, ինչը, բնականաբար, ենթադրում է, որ այն անպայման կիրականացվի։ Սա Միջին միջանցքի երկայնքով բացում է ևս մեկ երթուղի։ Ավանդական երթուղուց բացի, ի հայտ է գալիս ևս մեկը՝ Զանգեզուրի միջով, 15 միլիոն տոննա բեռնաշրջանառությամբ, որը համապատասխանում է ժամանակակից չափանիշներին։ Այնպես, որ մեր երկրների միջոցով Ասիայից Եվրոպա և հետադարձ բեռնափոխադրումների ծավալն ինքնին աճի ներուժ ունի, բայց նաև կունենա ավելի մեծ ներուժ՝ ընդունման և ուղարկման համար»,-ասել է Ալիևը:
Հետևեք մեզ տելեգրամում
