Կոբախիձեն և Փաշինյանը հանդիպել են

Թբիլիսիում անցկացվող «Մետաքսի ճանապարհ» համաժողովի շրջանակներում Վրաստանի վարչապետ Իրակլի Կոբախիձեն հանդիպել է ՀՀ վարչապետ Նիկոլ Փաշինյանին։

Հանդիպման ընթացքում կողմերը քննարկել են Վրաստանի և Հայաստանի միջև առկա բարիդրացիական հարաբերությունները։ Վրաստանի վարչապետը շնորհակալություն է հայտնել Նիկոլ Փաշինյանին համաժողովին մասնակցելու համար։

Կողմերը քննարկել են նաև երկու երկրների միջև առևտրատնտեսական համագործակցության հարցերը՝ ընդգծելով Հայաստանի դերը որպես Վրաստանի խոշորագույն առևտրային գործընկերներից մեկը։