Հայ և ադրբեջանցիների փորձագետների հանդիպում է տեղի ունեցել Ստամբուլում։ Այս մասին X-ի հարթակում հայտնել է Ադրբեջանի Միջազգային հարաբերությունների վերլուծության կենտրոնի (CAIR) ղեկավար Ֆարիդ Շաֆիևը։ Նա նշել է, որ կենտրոնի մասնագետները հանդիպում են անցկացրել Հայաստանի Կովկասյան հետազոտությունների ինստիտուտի փորձագետների հետ։
«Այսօր Ստամբուլում Միջազգային հարաբերությունների վերլուծության կենտրոնի փորձագետները քննարկում են անցկացրել հայ փորձագետների հետ՝ Կովկասի ուսումնասիրությունների ինստիտուտի տնօրեն Ալեքսանդր Իսկանդարյանի գլխավորությամբ», – նշել է Շաֆիևը։
Նշենք, որ Բաքվում գործող Միջազգային հարաբերությունների վերլուծության կենտրոնը պետական կառույց է, այն հիմնադրվել է Ադրբեջանի նախագահ Իլհամ Ալիևի կողմից՝ 2019 թվականի փետրվարի 6-ին:
Հետևեք մեզ տելեգրամում
