Ըստ վրացական ընդդիմադիր մեդիայի հաղորդագրությունների՝ տասնյակ հազարավոր մարդիկ կիրակի երեկոյան Թբիլիսիում մասնակցել են «Մինչև վերջ, մինչև հաղթանակ» կարգախոսով երթին։ Արդեն 333 օր Թբիլիսիում ամենօրյա ռեժիմով անցկացվում են բողոքի ցույցեր, հանրահավաքներ՝ պահանջելով երկիրը վերադարձնել եվրաինտեգրման ուղի, նոր խորհրդարանական ընտրություններ նշանակել և ազատ արձակել բողոքի ակցիաների ընթացքում ձերբակալվածներին։
Վրաստանի Ներքին գործերի նախարարությունը հայտնել է, որ վերջին երեք օրվա ընթացքում ոստիկանությունը ձերբակալել է բողոքի ակցիայի 60 մասնակցի։ Հոկտեմբերի 17-ին ուժի մեջ են մտել նոր սահմանափակումներ, ըստ որի ճանապարհի փակումը կամ հանրահավաքին դիմակով ներկայանալը պատժվում է մինչև 15 օր վարչական կալանքով։ Այդ ժամանակվանից ի վեր ձերբակալվել է ավելի քան 150 մարդ, այդ թվում՝ լրագրողներ, բժիշկներ, ռեժիսորներ և գրողներ։ Հանրահավաքների ժամանակ նույն խախտումը կրկնելը պատժվում է մինչև մեկ տարի ազատազրկմամբ։
Հետևեք մեզ տելեգրամում
