ՊՆ-ն հերքել է բանակից մեծ թվով սպաների զորացրում կատարելու և զինվորական թոշակի տրամադրման կարգը փոխելու լուրերը

Հայաստանի պաշտպանության նախարարությունը հերքել է սոցցանցերում տարածվող լուրերը, որ 2026 թվականին բանակից մեծ թվով սպաների զորացրում է կատարվելու։ 

Լրագրող Ոսկան Սարգսյանի ֆեյսբուքյան իր էջում գրել է, որ ըստ իր ունեցած տեղեկությունների՝ 2026 թվականին բանակից մեծ թվով սպաների զորացրում է կատարվելու։

«Նաև նախագիծ կա, որ զինված ուժերում 20 տարի ծառայած զինծառայողները զինվորական թոշակ ստանան ոչ թե զինծառայության 20 տարին լրանալուց հետո (ինչպես հիմա է կատարվում), այլ իրենց կենսաթոշակային տարիքում՝ 63 տարեկանում։ Այս լուրերը բանակի սպաների մեջ անհանգստություն են առաջացրել»,-գրել է նա։

ՀՀ պաշտպանության նախարարի մամուլի քարտուղար Արամ Թորոսյանը նշել է, որ այդ լուրերը կեղծ են և չեն համապատասխանում իրականությանը։