Ո՞ր երկրների քաղաքացիներն ունեն ամենաերկար ու ամենակարճ քնի ժամերը

«World Population Review»-ն ուսումնասիրություն է անցկացրել և հրապարակել աշխարհի մի շարք երկրներում օրական միջին քնի տևողությունը։ Ըստ մասնագետների՝ քունը ֆիզիկական և հոգեկան առողջության հիմնական տարրերից մեկն է, սակայն ամբողջ աշխարհում կյանքի պայմանները, աշխատանքային տեմպը, մշակության սովորությունները լրջորեն ազդում են քնի տևողության վրա։

Քնի մասնագետները զգուշացնում են, որ 7 ժամից պակաս քնելը կարող է հանգեցնել սրտի հիվանդությունների, ճարպակալման, դեպրեսիայի և իմունային համակարգի խնդիրների։ Համաշխարհային քնի միջին ցուցանիշը կազմում է 7 ժամ 4 րոպե։

Մարդկանց քնի ամեներկար տևողությամբ երկիրը Նիդերլանդներն է, որտեղ մարդիկ քնում են 8 ժամ 1ր։ Նիդերլանդներին հաջորդում են Ֆինլանդիան 8 ժամ, Ավստրալիան ու Ֆրանսիան ՝ 7 ժամ 9 րոպե, Նոր Զելանդիան և Միացյալ Թագավորությունը 7 ժամ 8 րոպե։

Իսկ մարդկանց քնի ամենակարճ տևողությամբ վերջին տեղում հանգրվանած երկիրը Սուդանն է, որտեղ մարդիկ քնում են ընդամենը 5 ժամ։ Սուդանին հաջորդում է Սաուդյան Արաբիան, որտեղ մարդիկ քնում են 6 ժամ 5 րոպե։

Թուրքիայում քնի միջին տևողությունը կազմում է 6 ժամ 48 րոպե, ինչը զգալիորեն ցածր է համաշխարհային միջին ցուցանիշից։