Թուրքիայի նախագահ Ռեջեփ Թայիփ Էրդողանը հայտարարել է, որ ՄԱԿ-ի Անվտանգության խորհրդի անարդար որոշումների կայացման համակարգը խոչընդոտում է գլոբալ խնդիրների լուծմանը։
«Մեր ապրած ամեն օրը ընդգծում է ավելի արդար, ավելի ներառական և ավելի համապարփակ գլոբալ համակարգ ստեղծելու անհրաժեշտությունը։ Պատերազմները, հակամարտությունները, անհավասարությունը և անարդարությունը փաստացի գրավել են ողջ մարդկության օրակարգը։ Երկրորդ համաշխարհային պատերազմի հաղթողների կողմից ստեղծված գործող համակարգը, ցավոք, չի համապատասխանում մեր ժամանակների իրականությանը և պահանջներին։ ՄԱԿ-ի Անվտանգության խորհրդի անարդար որոշումների կայացման կառուցվածքի պատճառով անհնար է լուծումներ գտնել մարդկության խնդիրների համար», – ասել է Էրդողանը՝ ելույթ ունենալով Ստամբուլում կայացած TRT World Forum-ում։
Նա ընդգծել է, որ «հաճախ և՛ խնդիրները, և՛ լուծումները ակնհայտ են, սակայն անմեղ կյանքեր են շարունակում կորսվել աշխարհի շատ մասերում»։
«Մարդկության ճակատագիրը չի կարող թողնվել հինգ երկրների ողորմածությանը, և այդ պատճառով մենք ասում ենք, որ աշխարհը հինգից մեծ է»,-հավելել է Էրդողանը։
Հետևեք մեզ տելեգրամում
