Կովկասում տիրող իրավիճակը պահանջում է մշտական ուշադրություն։ Նման կարծիք է հայտնել Ռուսաստանի Անվտանգության խորհրդի քարտուղար Սերգեյ Շոյգուն իր հայ գործընկերոջ՝ Արմեն Գրիգորյանի հետ զրույցում։
«Մեզ համար կարևոր է համաժամեցնել մեր հերթապահությունները։ «Տարածաշրջանում՝ Կովկասում ընդհանուր առմամբ, Հարավային Կովկասում տեղի ունեցած վերջին զարգացումները, տարբեր իրադարձություններ պահանջում են մեր մշտական ուշադրությունը և խորհրդակցությունները»,-ասել է Շոյգուն Հայաստանի Անվտանգության խորհրդի քարտուղար Արմեն Գրիգորյանի հետ հանդիպման ժամանակ։
Ըստ «ՏԱՍՍ» գործակալության՝ Գրիգորյանը նշել է, որ պատրաստ է «ներկայացնել տարածաշրջանում տեղի ունեցող իրադարձությունների մանրամասները և շնորհակալություն է հայտնել հանդիպման հնարավորության համար»։
Նշենք, որ այսօր Մոսկվայում տեղի է ունենում ԱՊՀ Անվտանգության խորհրդի քարտուղարների հանդիպումը։
Հետևեք մեզ տելեգրամում
