Իրանի նախագահի առաջին տեղակալ Մոհամմադ Ռեզա Արեֆը Մոսկվայում հանդիպել է ՌԴ վարչապետ Միխայիլ Միշուստինի հետ։
Պաշտոնյաները քննարկել են երկկողմ, տարածաշրջանային, միջազգային համագործակցության հարցեր։ Անդրադարձ է կատարվել ռազմավարական համագործակցության փաստաթղթի իրագործմանը, տնտեսական համագործակցության հարցերով հանձնաժողովի հաջորդ նիստի անցկացմանը, միջազգային կառույցներում, ինչպես նաև Հյուսիս-Հարավ միջանցքում, ԵԱՏՄ-ում համագործակցությանը։
Արեֆը Մոսկվա է մեկնել Շանհայի համագործակցության կազմակերպության (ՇՀԿ) անդամ երկրների վարչապետների 24-րդ նիստին մասնակցելու նպատակով:








