Հեռախոսազրույց են ունեցել Իրանի ու Ռուսաստանի արտգործնախարարները։ Նշենք, որ սա վերջին երկու շաբաթում արտգործնախարարների միջև կայացած երրորդ հեռախոսազրույցն է:
Աբբաս Արաղչին ու Սերգեյ Լավրովը քննարկել են երկկողմ, տարածաշրջանային, միջազգային հարցեր:
Արաղչին, մատնանշելով տարածաշրջանի խաղաղության ու կայունության ամրապնդման համար Իրանի դիվանագիտական նախաձեռնություններն ու խորհրդակցությունները, ընդգծել է բոլոր ազդեցիկ կողմերի մասնակցությամբ այդ գործընթացի շարունակման կարևորությունը: Լավրորվը ևս ընդգծել է, որ տարածաշրջանային խորհրդատվության և համագործակցության շրջանակի ձևավորումը հարմար միջոց է տարածաշրջանային երկրների միջև խնդիրների լուծման համար:
Նա հայտնել է Մոսկվայի պատրաստակամությունը այս ուղղությամբ Թեհրանի հետ սերտ համակարգումը շարունակելու հարցում:
Հետևեք մեզ տելեգրամում
