Նոյեմբերի 26-ին Թուրքիայի Ազգային մեծ ժողովի պլանավորման և բյուջեի հանձնաժողովում Թուրքիայի պաշտպանության նախարար Յաշար Գյուլերն անդրադարձել է Ադրբեջանի ու Հայաստանի միջև Վաշինգտոնում ձեռքբերված համաձայնություններին:
Անդրադառնալով թուրք-ադրբեջանական հարաբերություններին՝ Գյուլերը նշել է.
«Ադրբեջանի զինված ուժերի վերակազմավորման շրջանակներում, մենք ուսուցման, աջակցության և խորհրդատվական գործունեության հետ մեկտեղ, մեծ զարգացում ենք գրանցել և շարունակում ենք գրանցել պաշտպանական ռազմարդյունաբերության համագործակցության հարցում: Մյուս կողմից, մենք գոհ ենք Վաշինգտոնում Ադրբեջանի և Հայաստանի միջև խաղաղության հաստատման հարցում գրանցված կամքից: Այս քայլը գնահատում ենք որպես շատ արժեքավոր Կովկասում մնայուն խաղաղության և կայունության համար, որը ձեռնարկվել է միջազգային հակամարտությունների և ճգնաժամերի աճող ժամանակաշրջանում։ Հույս ունենք, որ հնարավորինս շուտ կստորագրվի համապարփակ խաղաղության պայմանագիր»։
Հետևեք մեզ տելեգրամում
